ދެވަނަފުރުޞަތު"ގެ ނަމުގައި ހިންގަންފެށުނު ކުލާސްތަށް

ނ.އަތޮޅުމަދަރުސާގައި،އެމަދަރުސާގެ ބެލެނިވެރިންނަށް އަމާޒުކޮށްގެން "ދެވަނަފުރުޞަތު"ގެ ނަމުގައި ހިންގަންފެށުނު ކުލާސްތަކަށް ބޮޑު ތަރުޚީބެއްލިބި ކާމިޔާބުކަމާއިއެކު ކުރިއަށް ދާ ކަމަށް އެމަދަރުސާއިން ވިދާޅުވެއެވެ.ދެ ބަޔަކަށް ބަހާލައިގެން ކުރިއަށްގެންދާ މިކުލާސް ތައް އޮންނަނީ ހުކުރު ހޮނިހިރުފިޔަވާ ކޮންމެރެއްގެ 9.00 ން 10.15 އަށް ނ.އަތޮޅުމަދަރުސާގައެވެ.ކިޔަވައިދެއްވަނީ ކަމުގެ ތަޖްރިބާ ލިބިލައްވާފައިތިއްބެވި އެމަދަރުސާގެ ޓީޗަރުންނެވެ.

މިކަމަކީ މިކަމުގެ ސަބަބުން މުސްތަޤްބަލްގައި ވަރަށްބޮޑު ފައިދާތަކެއް އެފަރާތްތަކަށާއި މުޖުތަމައަށް ލިބިގެންދާނެކަމެކެވެ.މިފަދަ ކަންކަމަށް ނ.އަތޮޅުމަދަރުސާއިން ދެއްވާ ސަމާލިކަން ފާހަގަކޮށް މަނަދޫ އޮންލައިންގެ ފަރާތުން އެމަދަރުސާގެ ހިންގުންތެރިވެރިންނަށް ފަށްފަށުން ޝުކުރުދަންނަވަމެވެ.

ނ.އަތޮޅުއޮފީހުގެ ދެބުރިއިމާރާތްގެ އަމަލީމަސައްކަތް ފައްޓައިފި

މިލަދުންމަޑުލު ދެކުނުބުރީ އަތޮޅުއޮފީހަށް އިތުރުކުރެވޭ ދެބުރި އިމާރާތްގެ އަމަލީ މަސައްކަތް އިއްޔެފެށިގެން ކުރިއަށް އެބަދެއެވެ. އެއްއަހަރުދުވަހުން މަސައްކަތްނިންމާ ގޮތައް މިމަސައްކަތްކުރަމުންގެންދަނީ މާލޭގެ އަމިއްލަކުންފުންޏެއްކަމަށްވާ ޕްރޮޕް ޕްރައިވެޓް ލިމިޓަޑުންނެވެ.މި މަސައްކަތާއިހަވާލުވެގެން މަނަދޫއަށް އައިސް ހުރި ފަރާތާއި މަނަދޫ އޮންލައިނުން ސުވާލުކޮށްލުމުން ބުނީ ދަތުރުފަތުރުގެ ދަތިކަމާއި މޫސުމް ތަންދޭނަމަ ކަނޑައަޅާފައިވާ މުއްދަތައް މަސައްކަތް ނިންމާލެވޭނެކަމަށެވެ.

އަޅުގަނޑުމެން އުއްމީދުކުރަނީ ނ.އަތޮޅުއޮފީހުގެ ދެބުރި އިމާރާތްއަކީ އެންމެފުރަތަމަ މަނަދޫގެ މަލަމަތިންފެނިގެންދާނެ ދެބުރިއިމާރާތައްވެގެންދާނެ ކަމަށެވެ.

ނ. އަތޮޅުގައި މިއަހަރު 3 ރިސޯޓެއް ހުޅުވޭނެ ކަމަށް ލަފާކުރެވޭ : ޓޫރިޒަމް

ރިސޯޓްގެ ގޮތުގައި ތަރައްޤީ ކުރުމަށް ދޫކޮށްފައިވާ ރަށްތަކުގެ ތެރެއިން ނ. އަތޮޅުގައި ތަރައްޤީކުރާ 3 ރިސޯޓް މިއަހަރުގެ ތެރޭގައި ހުޅުވޭނެކަމަށް ލަފާކުރެވޭކަމަށް ޓޫރިޒަމް މިނިސްޓްރީން ބުނެފިއެވެ.

އިތުރު ތަފްސީލް

ރާއްޖެ އިސްލާމްވީދުވަސް ފާހަގަކުރުމުގެގޮތުން ދީނީ ނަސޭޙަތްދިނުމުގެ ޕްރޮގްރާމްތަކެއް ބާއްވައިފި

ރާއްޖެ އިސްލާމްވީދުވަސް ފާހަގަކުރުމުގެގޮތުން ނ.އަތޮޅުމަދަރުސާގެ ދަރިވަރުނަށާއި ބެލެނިވެރިންނަށް އަމަޒުކޮށްގެން ދީނީ ނަސޭޙަތްދިނުމުގެ ޕްރޮގްރާމްތަކެއް މަދަރުސާގައި ރެއާއި މިއަދު ހިންގައިފިއެވެ.

މި ޕުރޮގްރާމްތައް ހިންގުމުގެ އެންމެ ބޮޑުއެއް މަޤްސަދަކީ ކުދިންނާއި ބެލެނިވެރިންގެ މެދުގައި އިސްލާމްދީނަށް އޮތްލޯބި އިތުރަށް ވަރުގަދަކޮށް ދީނީ ރޫޙު އާލާކުރުންކަމުގައިވެސް މަދަރުސާއިން މަޢުލޫމާތްދެއްވައެވެ.

އެގޮތުން ރޭ 9.00 ގައި، މަދަރުސާގެ ގްރޭޑް 8ން ފެށިގެން މަތީކުލާސް ތަކުގެ ދަރިވަރުންނަށާއި އެދަރިވަރުންގެ ބެލެނިވެރިންނަށް ދީނީ ނަސޭޙަތްދިނުން މަދަރުސާގައި ބޭއްވިއެވެ. އަދި މިއަދު ހެނދުނު 9.00 ފެށިގެން ގްރޭޑް 7ން ދަށުގެ ކްލާސްތަކުގެ ދަރިވަރުންނަށާއި އެދަރިވަރުންގެ ބެލެނިވެރިންނަށް ދީނީ ނަސޭޙަތްދިނުންވެސް ވަނީ ބޭއްވިފައެވެ.

އަންހެނުންގެ މިސްކިތް ބަންދުކޮށްފި

އަލަށް އިމާރާތްކުރެވޭ ނ.އަތޮޅުއޮފީހުގެ ދެބުރި އިމާރާތްއެޅުމަށްޓަކާ މަނަދޫ ހުޅަގުމަތީ އަވަށުގެ އަންހެނުން ނަމާދުކުރާ މިސްކިތް ބަންދުކޮށްފިއެވެ.އަދި އެމިސްކިތުގައި އަމިއްލައެއްވެސް ފަރާތެއްގެ އެއްޗެއްވާނަމަ ވީ އެންމެއަވަހަކަށް ގެންގޮސް ނިންމެވުމަށް ވެސް މަނަދޫ އޮފީހުން އެދިވަޑައިގަންނަވައެވެ.

މިފަދަ މިސްކިތެއްނެގުމުން ޢާންމުރައްޔިތުންނަށް އޭގެދަތިކަންވަރަށްބޮޑައް ފޯރާނެއެވެ.މި މިސްކިތުގެ ބަދަލުގައި ފެންވަރު ރަގަޅުއެހެންމިސްކިތެއް އަންހެނުން ނަމާދުކުރަން ލިބިގެންދާނޭ ކަމަށް އުއްމީދުކުރާ ކަމުގައި އެމިސްކިތްކައިރިން ދިމާވި އަންހެން ބޭފުޅަކުވިދާޅުވިއެވެ.

ބޮޑުގޯޅި ބަންދުކުރާތީ އެކަމާ ހިތްހަމަނުޖެހިގެން ރައްޔިތުންގެ ތެރެއިންބަޔަކު އަތޮޅުވެރިޔާއާއި ބައްދަލު ކޮށްފި

ނ.އަތޮޅުއޮފީހުގެ އިރުން ހުޅަގުމަތީ އަންހެނުންމިސްކިތުގެ އިރުން އޮއްނަ ބޮޑު ގޯޅި،އަލަށް ހަދާ އަތޮޅުއޮފީހުގެ ދެބުރި އިމާރާތް އެޅުމަށްޓަކާ ބަންދުކުރަންއުޅޭކަމުގެ މަޢުލޫމާތް ރަށުތެރޭގައި ފެތުރުމާއި ގުޅިގެން މިކަމާ ހިތްހަމަނުޖެހޭ ރައްޔިތުންތަކެއް އަތޮޅު ވެރިޔާ އަލްފާޟިލް އަބުދުﷲ ޚަލީލްއާއި އިއްޔެ ބައްދަލުކޮށްފިއެވެ.

މިބޭފުޅުން އަތޮޅުވެރިޔާއާއި ބައްދަލުކުރުމުން އެބޭފުޅުންނަށް ލިބިގެން އެއުޅުއްވަނީ މުޅިން ރަގަޅު މަޢުލޫމާތެއްނޫން ކަމަށާއި އެގޯޅިބައްދާގޮތައްއޮތީ މަނަދޫ ރައްކުރިއަރުވާ ކޮމެޓީން ނިންމާފައިވާ ގޮތައްކަމަށާއި އެމަގު ބަންދުކޮށް އޮފީސް އިމާރާތް އަޅާނިމޭއިރު އެތަނުގައި 15 ފޫޓްގެ ފުޅާ މަގެއްއޮންނާނޭކަމަށްވެސް އަތޮޅުވެރިޔާ ވިދާޅުވިއެވެ.

މިފަދަ ހަޤީގަތެއްނެތް ދޮގުވާހަކަތައް ރައްޔިތުންގެ ތެރޭގައި ފަތުރާ ސަރުކާރާއި ޢަންމު ރައްޔިތުން ޖެއްސުމަށްޓަކާ މަސައްކަތްކުރާ މަދު ބަޔަކު އަޅުގަނޑުމެންގެ މި މަނަދޫގައިވެސް އުޅޭކަމީ އަޅުގަނޑުމެން ވަރަށް ހިތާމަކުރާކަމެކެވެ.ވީމާ މިފަދަ ގޮވާލުންތަކަށް ނިކުންނަވާއިރު ކަމުގެ ދެކޮޅު ރަގަޅަށް ބައްލަވާފައި ނޫނީ ބައިވެރިނުވުން ބުއްދިވެރިއެވެ.

އަދި މިފަދަ ކަންކަމުގައި ސްކޫލްކުދިން ބައިވެރިކުރާ ކަމީ އަޅުގަނޑުމެން ބެލެނިވެރިން އެކަމާ ވަރަށް ހިތާމަކުރާކަމެކެވެ.އަދި އެފަދަ ކަންކަމުގައި ސްކޫލްކުދިން ބައިވެރިނުކުރުމަށް އެފަރަތްތަކަށް ނަސޭޙަތްތެރިވަމެވެ.

އަވަސް ހަބަރު: ބޮޑުގޯޅި ބަންދުކުރަން އުޅުމާއި ގުޅިގެން ރައްޔިތުން އަތޮޅު އޮފީސްދޮށަށް އެއްވެއްޖެ

ނ. އަތޮޅު އޮފީހުގެ އިރުން އޮންނަ ބޮޑު ގޯޅި އަތޮޅު އޮފީހުގެ އިމާރާތް ކުރުމަށްޓަކައި ބަންދުކުރަން އުޅުމާއި ގުޅިގެން ރައްޔިތުން އަތޮޅު އޮފީސްދޮށަށް އެއްވެއްޖެއެވެ.

އިތުރު ހަބަރު އަންނަނީ

ޑީ އާރް ޕީ މަނަދޫ ގޮފީގެ ހިންގާކޮމެޓީ

ޑީ އާރް ޕީ މަނަދޫ ގޮފީގެ ހިންގާކޮމެޓީއަށް މެމްބަރުން އައްޔަންކުރުމަށް ޓަކާ ކުރެއްވި ޢިއުލާނާއި ގުޅިގެން ހިންގާ ކޮމެޓީގެ އެއްވެސް މަޤާމަކަށް އެދި އެއްވެސް ފަރާތަކުން ކުރިމަތިލައިފާ ނުވާކަމަށް މަނަދޫ ގޮފިން އެމް އޯ އަށް މަޢުލޫމާތް ދެއްވިއެވެ.މިހާރު އޮތް އެގޮފީގެ ހިންގާކޮމެޓީގެ ގިނަ މަޤާމްތަކުގައި ތިއްބެވީ ސިވިލް ސާރވީސް ދަށުގައިވާ ބޭފުޅުންނެވެ.އެހެންނަމަވެސް މިފަހަރު އެފަރާތްތަކަށް ކުރިމަތިނުލެއްވޭނޭ ކަމަށް ވެސް މަނަދޫ ގޮފިން މަޢުލޫމާތްދެއްވިއެވެ. ނަމަވެސް މަނަދޫގައި އެންމެ މެންބަރުން ގިނައީ ޑީ އާރް ޕީ ގައެވެ.

ޖަންކްޝަން އެޅުމުގެ މަސައްކަތްކުރި ފަރާތްތަކަށް ލިބެންވާ އުޖޫރަނުލިބިގެން އެފަރާތްތަކުން އެކަމާ ޝަކުވާކުރަން ފަށައިފި

މަނަދޫގައި ޤާއިމްކުރެވެމުންދާ ނަރުދަމާ ނިޒާމްގެ ދަށުން ގޭގޭގައި ބަހައްޓާ ޖަންކްޝަންތައް އެޅުމުގެ މަސައްކަތް ކުރި ކޮންޓްރެކްޓަރުންނަށް،މަސައްކަތުގެ އުޖޫރަނުލިބޭ ކަމަށް ބުނެ އެކަމާއި ޝަކުވާކޮށް ނުރުހުން ފާޅުކުރަންފަށައިފިއެވެ.އަދި މަސައްކަތުގެ އަގު ދިނުމަށްފަހުގައި ނޫނީ ޖަންކްޝަންތައް ފެއްތުމުގެ މަސައްކަތް ފަށައިގެންނުވާނޭ ކަމަށްވެސް އެފަރާތްތަކުން ބުނެއެވެ.

މި މަސައްކަތްކޮށް ފައިވަނީ މަނަދޫގެ އަމިއްލަ ހަތަރު ކުންފުންޏަކުންނެވެ.އެއީ ނޫރުވާދީ އިބްރާޙިމް އަސްލަމްގެ ޑެއިލީ ނިއު ކޮންސްޓްރަކްޝަން،ނޫރީގޭ ހުސެން ޝިޔާމްގެ އޯޝަން ލިންކް،ހިޔާ މުޙައްމަދު މާހިދުގެ ވުޑްހިޔާ ވޯކްސް އަދި ހުސްނުހީނާގޭ އަބުދުﷲ ޖިނާހުއެވެ.މިކަމާގުޅޭގޮތުން އެމް އޯ ގެ ފަރާތުން ބައެއް ކޮންޓްރެކްޓަރުންނާއި ވާހަކަ ދައްކާލުމުން އެފަރާތްތަކުން ބުނީ ޖަންކްޝަންތައް އަޅާ،ގެންދަންވާ ތަންތަނަށް ގެންގޮސް ނިމި،ބިލްވެސް ލައިފާވާނޭ ކަމަށާއި އަދިވެސް ބިލަށް ފައިސާނުލިބޭކަމަށެވެ.އަދި ފައިސާ ލިބުން ލަސްވުމުގެ ސަބަބުން ކުންފުނިތަކަށް ބޮޑަތި ދަތިތަކާއި ކުރިމަތިލާންޖެހޭކަމަށްވެސް އެފަރާތްތަކުން ވިދާޅުވިއެވެ.

މިފައިސާ ދިނުން ލަސްވަނީ ކީއްވެގެންތޯ ސުވާލުކޮށްލުމުން،މަނަދޫގައި ހުންނަ ޔުނޮޕްސްގެ އިންޖިނޭރު މިސްޓަރ އިންޑިކާ ވިދާޅުވީ ނަރުދަމާ ނިޒާމުގެ މަސައްކަތް ބެލެހެއްޓުމަށްޓަކާ ރައްޔިތުން ހޮވާފައިވާ އެގްޒެކްޓިވް ކޮމެޓީއަށް،ބޭންކް އޮފް މޯލްޑިވްސް މަނަދޫ ބްރާންޗްގައި އެކައުންޓެއްހުޅުވުމަށް އަންގަވާފައިވާނެ ކަމަށާއި އަދިވެސް އެކައުންޓް ނުހުޅުވާކަމަށެވެ.އަދި އެކައުންޓް ނުހުޅުވާތީ ފައިސާ ދޫނުކޮށް ހުރީކަމަށާއި އެކައުންޓް ހުޅުވިހާ އަވަހަކަށް އެފައިސާ ހަވާލުކުރާނެކަމަށްވެސް އެފަރާތުން ވިދާޅުވިއެވެ.

މިކަމާގުޅިގެން އެގްޒެކްޓިވް ކޮމެޓީން ވިދާޅުވަނީ އެކައުންޓް ހުޅުވުމުގައި ޤާނޫނީ ޙައިސިއްޔަތެއް އޮންނަންޖެހޭތީވެ ސަރުކާރުގެ ކަމާބެހޭ ފަރާތައް އެކައުންޓް ހުޅުވުމުގެ ހުއްދަ ހޯދުމަށް އެދިފައިވާނެކަށާއި އަދި އެހުއްދަލިބުނުހާ އަވަހަކަށް އެކައުންޓް ހުޅުވާ ކޮންޓްރެކްޓަރުންނަށް ފައިސާ ހަވާލުކުރާނޭ ކަމަށެވެ.

ފެމިލީ އެންޑް ޗިލްޑްރެން ސަރވިސް ސެންޓަރުގެ މަސައްކަތް

މިނިސްޓްރީ އޮފް ޖެންޑަރ އެންޑް ފެމިލީ އަލްފާޟިލާ އައިޝަތު މުހައްމަދު ދީދީ ބިންގާ އަޅުއްވައިދެއްވި މަނަދޫ ފެމިލީ އެންޑް ޗިލްޑްރެން ސަރވިސް ސެންޓަރުގެ އަމަލީ މަސައްކަތްފަށައިގެ ކުރިއަށްއެބަދެއެވެ.މިނިސްޓްރީ އޮފް ޖެންޑަރ އެންޑް ފެމިލީއިން އަތޮޅުގެ ޢިޖްތިމާއީ ޙާލަތުރަގަޅުކުރުމުގެ މަޤްސަދުގައި ހަދާ މިސެންޓަރ އަންނަ ޖުލައިމަހު ނިމި ޚިދުމަތްދޭންފަށާނެކަމަށް މަޢުލޫމާތްލިބެއެވެ.

ހަމަސްދުވަހުން އަމަލީ މަސައްކަތްކޮށް ނިންމާގޮތައް މިމަސައްކަތްކުރަމުންގެންދަނީ އަމިއްލަ ކުންފުންޏެއްކަމަށްވާ އެމް.އެސް.ބީ ކޮންސްޓްރަކްޝަނުންނެވެ.

މި ސެންޓަރު ހަދަމުންގެންދަނީ މަނަދޫ ހުކުރު މިސްކިތުގެ އިރުން ،ބޭންކް އޮފް މޯލްޑިވްސް މަނަދޫ ބްރާންޗް ދެކުނުން އޮތް ހުސްބިމުގައެވެ.

MTDC signs agreement to develop N. Ekulhivaru Resort

Maldives Tourism Development Corporation (MTDC) has revealed that the corporation owns 20 % share in the resort to be developed in Ekulhivaru Island of Noonu Atoll.

Managing Director of MTDC Mohamed Solih speaking to Miadhu Daily said that MTDC owns 20 % share in the 180 bed resort to be developed in Ekulhivaru Island of Noonu Atoll.

MD Solih revealed that the 180 bed resort to be developed by 2010 will be marketed as high end resort. “This is going to be 180 bed resort hotel and will be completed by the end of year 2010, the resort is going to be high end resort catering to the very rich, it is going to be one of the best resort hotel in the Maldives” said Mr. Solih.

Mr. Solih said that the resort is being developed by Ritz Carlton Group one of the best in the business, ranked among the top 4 in the world. Mr. Solih said resort is a US$ 115 Million investment.

reference: http://miadhu.com.mv/news.php?id=5941

އަތޮޅުވެރިޔާ ރަސްމީދަތުރުފުޅެއްގައި މާލެވަޑައިގެންފި

މިލަދުންމަޑުލު ދެކުނުބުރީ އަތޮޅުވެރިޔާ އަލްފާޟިލް ޢަބުދުﷲ ޚަލީލް ރަސްމީދަތުރުފުޅެއްގައި އިއްޔެ މާލެވަޑައިގަންނަވައިފިއެވެ. އިއްޔެމެންދުރު 2.00ގައި އެމަނިކުފާނު މަނަދޫގެ ރަސްމީފާލަމުން ފުރައިވަޑައިގެންނެވި އިރު،އަތޮޅުއޮފީހުގެ ގިނަ އަދަދެއްގެ މުވައްޒަފުންނާއި ސަރުކާރުގެ އެހެނިހެން ބައެއް މުވައްސަސާތަކުގެ ބޭފުޅުން ފާލަންމަށްޗަށް ނުކުމެ ތިއްބެވިއެވެ.މަޢުލޫމާތް ލިބިފައިވާ ގޮތުގައި އަތޮޅުވެރިޔާގެ މިދަތުރުފުޅަކީ ދެދުވަހުގެ ދަތުރުފުޅެކެވެ.

ދިރާގު ވަށާފާރު ރޭނުމުގެ މަސައްކަތް ފައްޓައިފި

ދިވެހިރާއްޖޭގެ ގުޅުން ޕްރައިވެޓް ލިމިޓަޑް (ދިރާގު) އަށް މަނަދޫ އިރުމަތީ އަވަށު ފިރިހެނުން މިސްކިތުގެ އިރުން ދޫކޮށްފައިވާ ބިމުގައި ހަދާފައިވާ ދިރާގުގެ ކޮންޓްރޯލް ރޫމާއި އެންޓަނާގެ ފަށައިގެން ފަށާފާރު ރޭނުމުގެ މަސައްކަތް ކުރަންފަށައިފިއެވެ. މިމަސައްކަތް ކުރަމުންގެންދަނީ މާލޭގެ އަމިއްލަކުންފުންޏަކުންނެވެ.ކުރިއަށްއޮތް މަސްދުވަހުގެ ތެރޭގައި މިމަސައްކަތް ނިމޭނޭ ކަމަށް އެފަރާތުން ވިދާޅުވެއެވެ.

ދިވެހިފުލުހުންގެ ޚިދުމަތަށް 75 އަހަރު ފުރުމުގެ މުނާސަބަތުގައި ޙާއްސަ ފަރީކޮޅެއް ބާއްވައިފި

ދިވެހިފުލުހުންގެ ޚިދުމަތަށް 75 އަހަރު ފުރުމުގެ މުނާސަބަތުގައި މަނަދޫ ޕޮލިސް ސްޓޭޝަނުން ރޭ އެ ސްޓޭޝަނުގައި ޙާއްސަ ފަރީކޮޅެއް ބާއްވައިފިއެވެ.ރޭ 8.45 ގައި ފެށިގެންދިޔަ މި ފަރިކޮޅުގައި، ދަޢުވަތު އެރުވިގެން ވަޑައިގެންނެވި ސަރުކާރުގެ ގިނައަދަދެއްގެ މުވައްޒަފުންނާއި އާންމުންގެ ގިނައަދަދެއްގެ ބަޔަކު ބައިވެރިވެ ލެއްވިއެވެ.މަނަދޫ ޕޮލިސް ސްޓޭޝަނަކީ ކެރޭ ހީވާގި މުވައްޒަފުން ކޮޅެއް މަސައްކަތްކުރާ ސްޓޭޝަނެއްކަން އަޅުގަނޑުމެން ވަރަށް އުފަލާއި އެކު ފާހަގަކުރަމެވެ.

ދިވެހި ފުލުހުންގެ ޚިދުމަތައް 75 އަހަރުފުރުމުގެ މުނާސަބަތުގެ ތެރެއިން

ދިވެހި ފުލުހުންގެ ޚިދުމަތައް 75 އަހަރުފުރުމުގެ މުނާސަބަތުގައި މަނަދޫ ޕޮލިސް ސްޓޭޝަނުން އިންތިޒާމްކޮށްގެން ބޭއްވި ކުޅިވަރު ހަރަކާތަތައް ނިމިއްޖެއެވެ.ވާދެމުމުގެ ފިރިހެން ޗެމްޕިއަންކަން ހޯދީ ވަބޭނޭ ސްޕޯރޓްސް ކުލަބެވެ.ވާދެމުމުގެ އަންހެނުންގެ ޗެމްޕިއަންކަން ހޯދީ ފަތިންދާ ސްޕޯރޓްސް އެވެ.އޮޕްޓިކަލް ރޭހުގެ ފިރިހެން ޗެމްޕިއަން އަކީ ކެލްސިޔަމްއެވެ.އަންހެން ޗެމްޕިއަންއަކީ ވަބޭނޭ ސްޕޯރޓްސް ކުލަބްއެވެ.ރިލޭ ރޭހުގެ ފިރިހެން ޗެމްޕިއަންއަކީ ވަބޭނޭ ސްޕޯރޓްސް ކުލަބްއެވެ.އަންހެން ޗެމްޕިއަން އަކީ ފަތިންދާ ސްޕޯރޓްސްއެވެ.

މީގެ އިތުރުން ވަބޭނޭ ސްޕޯރޓްސް ކުލަބްގެ 14 އަހަރުން ދަށުގެ ފިރިހެންޓީމަކާއި އެފް ޓީ ބަބުރު ގެ 14 އަހަރުން ދަށުގެ ފިރިހެންޓީމް ބައްދަލުކުރި ރަހުމަތްތެރިކަމުގެ މެޗް 2-0 ކާމިޔާބްކުރީ އެފްޓީ ބަބުރެވެ.އަންހެނުންގެ ރަހުމަތްތެރިކަމުގެ މެޗްގައި ވަބޭނޭ ސްޕޯރޓްސް ކުލަބްއާއި ކޮކަޑައިލް ސިޓީ ބައްދަލުކުރިމެޗް 2-0 ކާމިޔާބްކުރީ ކޮކަޑައިލް ސިޓީއެވެ.އަދި މަނަދޫ ޒުވާނުންގެ ޓީމަކާއި މަނަދޫގެ ސަރުކާރު މުވައްޒަފުންގެ ޓީމަކާއެކު ކުޅެވުނު ރަހްމަތްތެރިކަމުގެ މެޗް 3-1 ކާމިޔާބްކުރީ މަނަދޫ ޒުވާނުންގެ ޓީމެވެ.

މި ކުޅިވަރު ޕްރޮގްރާމްތައް ކުރިއަށް ގެންދިއުމުގައި ސަރުކާރުގެ އެކި އެކި މުއައްސަސާތަކާއި އާންމުންގެ ވަރަށް ގިނަ ފަރާތްތަކެއްގެ ވަރަށް ދީލަތި އެހީތެރިކަމައެއް މަނަދޫ ޕޮލިސްއަށް ލިބުނުކަން އެފަރާތުން ވަރަށް ޝުކުރުވެރިކަމާއި އެކު ފާހަގަކުރެއެވެ.ދިވެހި ފުލުހުންނާއި އާންމުރައްޔިތުންނާއި ދެމެދު އޮންނަ ބަދަހިގުޅުން ވަރަށް ރަގަޅަށް ހާމަވެގެން ދިޔަކަން ވަރަށް އުފަލާއެކު ފަހާގަކުރަމެވެ.މިކަމަށް ޓަކާ މަނަދޫ އޮންލައިންގެ ފަރާތުން މަނަދޫގެ ލޮބުވެތި ރައްޔިތުންނަށާ މަނަދޫ ޕޮލިސް ސްޓޭޝަނަށް ވަރަށް އިޙްލާސްތެރިކަމާއި އެކު ޝުކުރު ދަންނަވަމެވެ.

ކުޑޭގެ ޝުޢޫރު : މަނަދޫ ސޯސަންމަގު

މަނަދޫގެ ސޯސަންމަގުގެހުޅަގަށް މަދުފޫދުއްވާލާ މަގުހަދާ ނިމުމުގެ ހަނދާނުގައި.........!!
އަބޫބަކުރު އާދަމް ބިޖިލީގެ ނ.މަނަދޫ


ސޯސަންމަގަށް ފުރިހަމަކަމެއް ލިބުނީ އެމަގު ފޫދުއްވުމުން

ސސސސޯސަންމަގުގެ ދެކޮޅުން އަތިރިމަތި ރިތިކޮސް ފެނިލުމުން

މިމުނާސަބަތުގައި މަގުހަދަން ބައިވެރިވި އަޚުނާ އުޚުތުނަށް

ސސސއިޚްލާސްތެރިވެ ޝުކުރުގެޖިޒީތައް ފޮނުވަމޭ ހިޔަހާސްފަށުން

އަދި ޚާއްޞަކޮށް މިމަސައްކަތައް ހައިމާކްދެއްވި ފަރާތް ޕުޅަށް

ސސސމަނަދޫގެ ހުރިހާރައްޔިތުން ނަމުގާ ޝުކުރު ފަށްފަށްކުރަން

މަނަދޫގެ ތާރީޚުން މިއީ ފާހަގަނުމޮސް ދުކޮށްލެވެން

ސސސއަދުއޮތްކަމެއްނޫންކަން ބަޔާންކުރަމޭ ހިތުގެއަދި ފުންމިނުން

މަނަދޫގެ އެންމެ ދުވަސްވީބޮޑު މަގަކީ މިބުނި ސޯސަންމަގޭ

ސސސހަމަކަށަވަރުން ހެކިވާނެކަން ދަންނަން ރަށުގެ ކުދިބޮޑުތަކުން

ވިހިސައްތައަށްވަނަ އަހަރުގައި މާރިޗްމަހުން ތޭވީހުގައި

ސސސނިމުމުންނެ ސޯސަންމަގު ހަދާ ލިބުނީ އިތުރުހިތްހަމަޖެހުން

******************

ނ. އަތޮޅު މަދަރުސާއަށް 30 އަހަރު ފުރުމުގެ މުނާސަބަތަށް ތައްޔާރީވުމުގެ ގޮތުން ބާއްވާ ބައްދަލުވުން

ނ. އަތޮޅު މަދަރުސާއަށް 30 އަހަރު ފުރުމުގެ މުނާސަބަތު ކުލަގަދަގޮތެއްގައި ފާހަގަ ކުރުމަށްޓަކައި ތައްޔާރީތައްވުމުގެ ގޮތުން މިރޭ 9.00ގައި އެމް އީ އެސް ސްކޫލްގައި ބައްދަލުވުމެއް ބޭއްވުމަށް ވަނީ ހަމަޖެހިފައެވެ. ނ. އަތޮޅު މަދަރުސާގެ އިސްދަރިވަރުންނާއި މަދަރުސާއަށް ހެޔޮއެދިވަޑައިގަންނަވާ ފަރާތްތަކުގެ ތެރެއިން މިވަގުތު މާލޭގައި ތއްބެވި ފަރާތްތަކާއި މަޝްވަރާކޮށްލުމަށްޓަކައި ބާއްވާ މި ބައްދަލުވުން އިންތިޒާމް ކުރުމުގައި އިސްވެ ހަރަކާތްތެރި ވަނީ ނ. އަތޮޅު މަދަރުސާއަށް 30 އަހަރު ފުރުން ފާހަގަކުރާ ޓާސްކްފޯހުގެ ނާއިބް ރައީސް މަނަދޫ ކަތީބް ސަޢީދު ޤާސިމް އާއި ނ. އަތޮޅު މަދަރުސާގެ އިސްދަރިވަރުންގެ ޓީމްއެކެވެ.

މިފަދަ ބައްދަލުވުންތަކަށް މަނަދޫ އޮންލައިންގެ ފަރާތުން ވަރައް ބޮޑަށް މަރުހަބާ ކިޔަމެވެ. އަދި މި ބައްދަލުވުމުގައި ވީހާވެސް ގިނަ ބަޔަކު ބައިވެރިވެ ހިޔާލް ހުށަހެޅުމަކީވެސް މަނަދޫ އޮންލައިންގެ ވަރަށްބޮޑު އެދުމެކެވެ.

އޭ ޓީ އެމްގެ ޚިދުމަތް ވަގުތީގޮތުން މެދުކަނޑާލައިފި

ބޭންކް އޮފް މޯލްޑިވްސް މަނަދޫ ބްރާންޗްގައި ހުންނަ އޭ.ޓީ.އެމްގެ ޚިދުމަތް ވަގުތީގޮތުން މެދުކަނޑާލައިފިއެވެ.މަނަދޫ ބްރާންޗުން މައުލޫމާތްލީބޭ ގޮތުގައި މިޚިދުމަތް ވަގުތީގޮތުން މެދުކަނޑާލަންޖެހުނީ އޭ.ޓީ.އެމްގެ ޑިސްޕްލޭއަށް ދިމާވި ޓެކްނިކަލް މައްސަލައެއްގެ ސަބަބުންނެވެ.
މިހާރު މިމައްސަލަ ރަގަޅުކުރުމަށް މަސައްކަތްކުރަމުން ގެންދާކަމަށާއި މައްސަލަހައްލުވީހާ އަވަހަކަށް މި ޚިދުމަތްދޭންފަށާނެކަމަށް މަނަދޫ ބްރާންޗް ހިންގުމާއި މިވަގުތުހަވާލުވެހުންނެވި އަބުދުﷲ ޝިމާއު ވިދާޅުވިއެވެ.

ދިވެހި ރައްޔިތުންގެ ޕާރޓީ މަނަދޫގޮފީގެ ހިންގާކޮމެޓީގެ މަޤާމްތަކަށް މެމްބަރުންހޯދުމަށް އިޢުލާންކޮށްފި

ދިވެހިރައްޔިތުންގެ ޕާރޓީ ( ޑީ.އާރް.ޕީ ) މަނަދޫ ގޮފީގެ ހިންގާކޮމެޓީގެ މަޤާމްތަކަށް މެމްބަރުން ހޯދުމަށް އިޢުލާންކޮށްފިއެވެ.އިޢްލާން ކޮށްފައިވާ މަޤާމްތަކަކީ ރައީސް،ނައިބްރައީސް،ހަޒާންދާރު އަދި ސެކްރަޓަރީއެވެ.ސަރުކާރުގައި މަސައްކަތްކުރާ ގޮފީގެ މެމްބަރުން ފިޔަވާ އެހެނިހެން މެމްބަރުންނަށް ހުޅުވާލެވފައިވާ މިފުރުސަތަކީ ޕާޓީގެ އަސާސީ ޤަވާއިދުގެ މަތީން ރަށުގޮފީގެ ހިންގާކޮމެޓީގެ މަޤާމްތަކަށް މެމްބަރުން އިންތިޚާބްކުރުން ބޭއްވުމަށްޓަކާ ހުޅުވާލެވިފައިވާ ފިރުސަތެއްކަމަށް މަނަދޫ ގޮފިން މިބްލޮގަށް މަޢުލޫމާތްދެއްވިއެވެ.މަޤާމްތަކަށް އެދި ފޯމްފުރުވާ ފޮނުއްވަންޖެހެނީ އިންތިޚާބްގެ ކަންތައްތައް ބެލެހެއްޓުމަށް އައްޔަންކޮށްފައިވާ ކޮމެޓީއަށެވެ.މަޤާމްތަކަށް ކުރިމަތިލުމުގެ ސުންގަޑިއަކީ 31 މާރޗް 2008 ވާ ހޯމަދުވަހެވެ.

ޖަންކްޝަންތަކުގެ ފެންވަރުބަލަން ފައްޓައިފި

ޔުނޮޕްސްއާއި ޔުނިސެފްއާއި ގުޅިގެން މިރަށުގައި ޤާއިމްކުރަމުންގެންދާ ފަޙާނާއާއިނަރުދަމާ ނިޒާމުގެ ޖަންކްޝަންތަށް އަޅާ ގޭގައި ބެހެއްޓުމުގެ މަސައްކަތް ކޮންޓްރެކްޓަރުން ކޮށްފައިވަނީ ރަގަޅަށްތޯ ބެލަމުންއެބަދެއެވެ. މިމަސައްކަތްކުރުމުގެ ބޭނުމަކީ ކޮންޓްރެކްޓަރުންގެ ފައިސާދިނުމުގެ ކުރިން ކޮންޓްރެކްޓަރުން މަސައްކަތްކޮށްފައިވަނީ ރަގަޅަށްތޯ ބަލާ އިވެލުއޭޝަން ރިޕޯޓެއް ތައްޔާރުކުރުމެވެ. ނަރުދަމާ ނިޒާމުގެ އެގްޒަކްޓިވް ކޮމެޓީއާއި މޮބިލައިޒިން ކޮމެޓީއާއި ޔުނޮޕްސްގެ ފަރާތުންނާއި އަދި ކޮންޓްރަކްޓަރުން ހިމެނޭ ޓީމުން ބަލަމުންގެންދަނީ ޖަންކްޝަންތައް ބަހައްޓާފައިވަނީ ޖަންކްޝަންތައް ބަހައްޓަންޖެހޭ ތަނުގައިތޯއާއި އަދި ޖަންކްޝަންތަކުގެ ކޮލެޓީ (ބޮޑަތިހޮއި ހުރިތޯ) ރަގަޅުތޯއެވެ.މިމަސައްކަތުގެ %96 ނިމިފައިވާކަމުގެ މަޢުލޫމާތު މަނަދޫ އޮންލައިން އަށް ވަނީ ލިބިފައެވެ. ޖަންކްޝަންތައް ބަހައްޓަންޖެހޭ ތަންތަން ނޫން ތަންތަގައި ބަހައްޓާފައިވާ ނަމަ އެމަސައްކަތް ރަގަޅުކުރުމާއި ޖަންކްޝަންތަކުގައި ބޮޑަތި ހޮއިހުރިނަމަ އެތަންތަން ބެއްދުމުގެ މަސައްކަތް ކޮންޓްރެކްޓަރުން މިހާރުދަނީ ކުރަމުންނެވެ.

Atolls signs contract with 5 companies for construction of govt. buildings

Atolls Ministry has signed contracts agreements with five local companies yesterday for the construction of new Atoll Office of Noonu Atoll and Faafu Atoll, new Atoll House of Gdh Atoll and Gnaviani Atoll and Island offices of Hdh Nolhivaram and Thaa Thimarafushi.

Prop Private Ltd was awarded the contract to construct new Noonu Atoll Office and Maalaa High Rising Construction Pvt. Ltd was awarded the contract to construct the Faafu Atoll Office. Lucky Hiyaa Maldives was awarded the contract to build the Gdh Atoll House while Two L Construction was awarded the contract to build the Gnaviani Atoll House. Prop Private Ltd was also awarded the contract to construct Island office of Hdh Nolivaram and Thaa Thimarafushi Island Office was given to Ixus Maldives Pvt. Ltd.

At the ceremony agreements were signed on behalf of the companies by their respective Managing Directors. On behalf of the Ministry the agreement was signed by Executive at the Ministry Hamid Yousuf.

According to Atolls Ministry the total contract value of 6 contracts are Rf 19.73 Million.

މަނަދޫ އެކުވެރި ކުލަބުން ޒުވާނުންނަށް އަމާޒުކޮށްގެން ކޯސްތަކެއް ފައްޓަނީ

މަނަދޫ އެކުވެރި ކުލަބަކީ ޒުވާނުންނަށް އަމާޒުކޮށްގެން ތަފާތު ގިނަ ކޯސްތަކެއް ހިންގާފައިވާ އަދި މިހާރުވެސް ހިންގަމުން އަންނަ ޖަމުޢްޔާއެކެވެ.އެގޮތުން ކުކަރީ ކޯސް ތަކާއި ފެހުމާއި މާޖަހަންދަސްކޮށްދިނުމުގެ ކޯސްތަކެއްވެސްވަނީ އެކުވެރި ކުލަބުން ހިންގާފައެވެ.

މިހާރު ހިންގަން ހަމަޖަހެފައިވާ ކޯސްތަކަކީ ގްލާސް ޕެއިންޓިން ކޯސް،ފެބްރިކް ޕެއިންޓިންގް ކޯސް އަދި މިނާ ކޯހެވެ.ކޮންމެ ކޯހެއްގައިވެސް 20 ޖާގައޮންނާނެކަމަށް ކުލަބްގެ ރައީސް ވިދާޅުވިއެވެ.އަދި ކޯހުގައި ބައިވެރިވުމުގެ ފުރުސަތު ޢަންމުކޮށް ހުޅުވާލެވިފައިވާނެ ކަމަށާއި ކޯހުގައި ބައިވެރިވެވޭނީ ޗަންދާއެއްދައްކައިގެން ކަމަށް ކުލަބްގެ ރައީސް ހަސަން އިބްރާޙިމް ވިދާޅުވިއެވެ.

ގްލާސް ޕެއިންޓިންނާއި ފެބްރިކް ޕެއިންޓިންގައި ކުލަބް މެންބަރުންނަށް ބައިވެރިވުމުގެ ފީއަކީ -/200 ރ އެވެ. އެނޫން ފަރާތްތަކަށް -/300ރ އެވެ.މީނާކޯހުގައި ކުލަބްގެ މެންބަރެއްނަމަ ބައިވެރިވުމުގެ ފީ އަކީ -/400ރ އެވެ. އެނޫން ފަރާތްތަކަށް -/500ރ އެވެ. ކޯސްތަކުގައި ބައިވެރިވުމަށް ނަންނޯޓުކުރެއްވުމަށާއި މަޢުލޫމާތް ސާފްކުރެއްވުމަށް ގުޅުއްވާނީ 7753208 ނަންބަރ ފޯނާއެވެ.

ސޯސަންމަގު ފޫދުއްވާލައިފި

2008 ވަނަ އަހަރުގެ ޖެނުއަރީމަހުގެ ތެރޭގައި މަނަދޫ ރައްކުރިއަރުވާ ކޮމެޓީން މަނަދޫގެ ސޯސަންމަގު ފޫދުއްވާލަން ނިންމާފައިވަނީ މަނަދޫގެ ރައްޔިތުންނަށް ވެލިލިބުމުގެ ދަތިކަން ބޮޑުވުމާއިގުޅިގެން އެކަން ހައްލުކުރުމުގެ މަޤްސަދުގައެވެ.ރައްޔިތުންނަށް ގޮވައިގެން ކޮންމެ ހުކުރުދުވަހަކު ކުރާގޮތައް ފެއްޓި މިމަސައްކަތައް ރައްޔިތުންގެ އެއްބާރުލުން އެކަށީގެންވާގޮތެއްގައި ލިބުނުކަމަށް މަނަދޫ އޮފީސް ހޮންގެވުމާއި ހަވާލުވެ ހުންނެވި ކަތީބް އަލްފާޟިލް ހަސަން އިބްރާޙިމް ވިދާޅުވިއެވެ.
މަނަދޫގެ ގިނައަދަދެއްގެ ރައްޔިތުން ނިކުމެގެން ސޯސަންމަގު ކޮށާ،ނޮޅާ ވަނީ ސާފްކޮށްފައެވެ.އެހެންނަމަވެސް މަގުގައި އަޑިގުޑަން ގިނަކަމުންނާއި ވަރަށް ބޮޑު އުސްގަނޑެއް އޮތުމުގެ ސަބަބުން މަގުގެބޭނުން ކުރެވޭނެ ކަމަށް ނުފެންނާތީ ،އެކަންކުރެވޭ ފަދަ އަލާތެއްހޯދުމަށް ކުރެވެމުންދިޔަ މަސައްކަތުގެ ނަތީޖާއެއްގެ ގޮތުން ނ.ކުޑަފަރީ ކާމިނީގޭ އަލްފާޟިލް މުޙައްމަދު ޤާސިމްގެ އެހީއާއި އެކު އެކްސް ކަވޭޓަރެއް މަނަދޫއަށްގެނެވި އޭގެ އެހީގައި ސޯސަންމަގު ވަނީ ފޫދުއްވާލާ ބިންގަނޑުއެއްވަރުކޮށް މަގުގެ ބޭނުންކުރެވޭގޮތައްހަދާފައެވެ.މިކަމުގައި މަނަދޫގެ ރައްޔިތުންނާއި ނ.އަތޮޅުއޮފީހުންލިބުނު އެހީތެރިކަން ވަރަށްބޮޑައްފާހަގަ ކުރެވޭކަމުގައި މަނަދޫ ކަތީބް އަލްފާޟިލް ހަސަން އިބްރާޙިމް ވިދާޅުވިއެވެ.

ނ.މާވިލަވަރުގައި ދިވެއްސަކު ލޯޑަރެއްދަށުވެ މަރުވެއްޖެ

ރިސޯޓެއްގެގޮތުގައި ނ.އަތޮޅުގައި ތަރައްޤީކުރަމުންދާ މާވެލަވަރުގައި މަސައްކަތްކުރުވަން ހުރިދިވެއްސަކު ލޯޑަރެއް ދަށުވެއްޖެކަމަށް މިބުލޮގްއަށް މަޢުލޫމަތްލިބިއްޖެއެވެ.މިހާދިސާ ދިމާވެފައިވަނީ ލޯޑަރަށް އެއްޗެއްބަރުކޮށްގެން ދުއްވާފައިދަނިކޮށް އަރިއަޅާލައިގެންނެވެ.މިހާދިސާގައި ލޯޑަރުގެ ދަށުވެފައިވަނީ އަތަމާ އިންވެސްޓްމަންޓްގައި މަސައްކަތްކުރަމުންގެންދާ އަހުމަދު ރަޝީދު ނަމަކަށްކިޔާމީހެކެވެ.މިހާދިސާ ހިގާފައިވަނީ މިއަދު މެންދުރު ގާތްގަނޑަކަށް 12.50 އެހާކަތްހާއިރުއެވެ.

...އިތުރު މައުލޫމާތު

ދިވެހިފުލުހުންގެ ޚިދުމަތައް 75 އަހަރުފުރުން މަނަދޫ ޕޮލިސް ސްޓޭޝަނުން ފާހަގަކުރަނީ

29 މާރޗް 2008 ވަނަ ދުވަހު ،ދިވެހިފުލުހުންގެ ޚިދުމަތައް 75 އަހަރުފުރުން ފާހަގަކުރުމުގެގޮތުން ތަފާތުކުޅިވަރުތައް މނަދޫގައި ބޭއްވުމަށް މަނަދޫ ޕޮލިސް ސްޓޭޝަނުންވަނީ ނިންމަވާ ފައެވެ.މިގޮތުން ބާއްވަންހަމަޖެހިފައިވާ ކުޅިވަރުތަކަކީ ވާދެމުން (8 މީހުންގެ ޓީމެއް / ދެޖިންސަށް)،ރިލޭ ރޭސް (4 މީހުންގެ ޓީމެއް / ދެޖިންސަށް)،އޮޕްޓިކަލް ރޭސް ( 2 މީހުންގެ ޓީމެއް / ދެޖިންސަށް ) ،ޒުވާނުންގެ ފިޓްބޯޅަ މެޗެއް (ދެޖިންސަށް) އަދި 14 އަހަރުން ދަށުގެ ކުދިންނަށް ފުޓްބޯޅަ މެޗެކެވެ.
މިކުޅިވަރިތަކުގައި ބައިވެރިވުމުގެ ފުރުސަތު މިހާރުވަނީ ޢާންމުކޮށް ހުޅުވާލެވިފައެވެ.26 މާރޗް 2008 ވާ ބުދަދުވަހުގެ ކުރިން މަނަދޫ ޕޮލިސް ސްޓޭޝަންއަށް ޓީމްލިސްޓް ތައްހުށައެޅުމަށް އެ ސްޓޭޝަނުންވަނީ އިއުލާންކުރައްވާފައެވެ. މިކަމަށް އެކަށީގެންވާ ބޮޑު ތަރުހީބެއްލިބެމުން ދާކަމަށް މަނަދޫ ޕޮލިސް ސްޓޭޝަނުން މަނަދޫ އޮންލައިން އަށް މަޢުލޫމާތްދެއެވެ.

ހެނބަދޫގައި އަންހެން ކުއްޖެއް މަރާލި އަހުމަދު އަބުދުއްސައްތާރު މާލެ ގެންދިއުމަށްޓަކައި ކުޅުދުއްފުށްޓަށް ގެންގޮސްފި

ހެނބަދޫގައި މިދިޔަ ހަފްތާގެ ތެރޭގައި ވަޅިން ހަމަލާދީ އަންހެން ކުއްޖެއް މަރާލި އަހުމަދު އަބުދުއްސައްތާރު މާލެ ގެންދިއުމަށްޓަކައި ކުޅުދުއްފުށްޓަށް ގެންގޮސްފިއެވެ. އަހުމަދު އަބުދުއްސައްތާރު ކުޅުދުއްފުއްޓަށް މިގެންދެވުނީ ހަނިމާދޫއިން ވައިގެ މަގުން މާލެ ގެންދިއުމަށްޓަކައެވެ.

ނ. ހެނބަދޫގައި ވަޅިއަކުން ހަމާލާދީ މަރާލި އަންހެންކުއްޖާއަށް ކުރިންވެސް މަރުގެ އިންޒާރުދީފައިވާ ކަމަށް އޭނާގެ އާއިލާއިން ހާމަކޮށްފިއެވެ. މިހާދިސާގައި ޒަޚަމްވުމާއި ގުޅިގެން ފަރުވާދެމުންދަނިކޮށް މަރުވެފައިވަނީ ނ.ހެނބަދޫ ފުސްފަރު ޢުމުރުން 17 އަހަރުގެ ނަދީމާ އިސްމާއީލްއެވެ. އޭނާއަށް ވަޅިއަކުން ހަމަލާދީފައިވަނީ އެރަށު ހީނާމާގޭ އުމުރުން 24 އަހަރުގެ އަހުމަދު އަބްދުއްސައްތާރުއެވެ. ނަދީމާގެ އާއިލާގެ ފަރާތުން މުހައްމަދު ބުނީ ނަދީމާއަށް ހަމަލާދޭނެ ކަމަށް ނަދީމާގެ ގާތިލު އަހުމަދު އަބްދުއްސައްތާރު މީގެ 15 ވަރަކަށް ދުވަސްކުރިން ބުނެފައިވާ ކަމަށެވެ. އަދި އެކަންތައް ރަށުއޮފީހަށް ތަކުރާރުކޮށް އެތައްފަހަރަކު އަންގާފައިވެސް ވާނެ ކަމަށެވެ. ނަމަވެސް ރަށުއޮފީހުން މިކަމަށް އެއްވެސް ފިޔަވަޅެއް އަޅުއްވާފައިނުވާ ކަމަށް ބުންޏެވެ. "އޭނަ ދައްތަ ހެނބަދޫ އޮފީހުގެ ކަތީބު ގާތަށްގޮސް ކިތައްމެ ދުވަހަކު ބުނެފަ އޮތީ ކަތީބޫއޭ މިހެން މިހެން މިބުނާ ފިރިހެން ކުއްޖަކު ބުނެފިޔޭ، ރަނގަޅު ތާކުން ފެނިއްޖެއްޔާ މަރާލާނަމޭ، އަނެއްކާ އެތައް ދުވަހަކު އެމީހުންނާއި ދިމާއަށް ވަޅިވެސް ދިއްކުރިކަން ބައިވަރު މީހުންނަށް ފެނިފަ އެބަހުރި، އިއްޔެ އަނެއްކާ މިކަން ހިންގުމުގެ ކުރީގަ ހެނދުނު ކޮޅު އޭނަގެ ދައްތައަކާ ދިމާއަށް ވަޅި ދިއްކޮށްފަ ބިރުގަނޭހޭ ކިޔާފަ ދިޔައީ" ނަދީމާ ދައްތަގެ ފިރިމީހާ ބުންޏެވެ.އިއްޔެ ހިނގި މިހާދިސާގައި ނަދީމާ ބަނޑަށް ވަޅިއަކުން ހަމަލާދިނުމުގެ ސަބަބުން ވަރަށްބޮޑަށް ވަނީ ކަފައިގެން ގޮސްފައި ކަމަށް އެއާއިލާއިން މައުލޫމާތުދެއެވެ. އަދި ވަޅިން ނަދީމާގެ ކަރަށާއި މޭމައްޗަށާއި ބުރަކަށްޓަށްވެސް ހަމަލާދީފައިވާ ކަމަށް އާއިލާއިން މައުލޫމާތުދެއެވެ. މިހާދިސާއާ ގުޅިގެން ނަދީމާ އެންމެ ފުރަތަމަ ގެންދެވުނީ އެއަތޮޅު ކުޅުދުއަށް ކަމަށާއި ކުޅުދޫ ޖެޓީމައްޗަށް ނަދީމާ ބޭލިއިރުވެސް އެމްބިއުލޭންސް ގެނެސްފައިނުވާތީ ދެން ފުރައިގެން ދިޔައީ މަނަދުއަށް ކަމަށާއި ނަމަވެސް ހާލު ސީރިއަސްކަމުންނާއި މަނަދޫއިން ފަރުވާދެވެން ނެތުމުން ,ރ. އުނގޫފާރަށް ގެންގޮސްފައި ކަމަށް އާއިލާއިން މައުލޫމާތުދެއެވެ.
މިހާދިސާގައި ނަދީމާއަށް ހަމަލާދިން އަހުމަދު އަބްދުއްސައްތާރަކީ ނަދީމާ އާ ރަށްޓެހިވެގެން ކުރިން އުޅުނު މީހެއް ކަމަށާއި މިދެ މީހުންގެ މެދުގައި ޖެހުނު މައްސަލައެއްގައި އަހުމަދު އަބްދުއްސައްތާރުވަނީ ދަންޖެހެންވެސް މަސައްކަތްކޮށްފައި ކަމަށް އެއާއިލާއިން މައުލުމަތުދެއެވެ. ނާދީމާ އޭނަޔާ ރުޅިވީ މިފަދަ މީހަކާއެކީ އިންދެގެން ނުއުޅެވޭނެ ކަމަށް ނަދީމާއަށް ފެނިގެން ކަމަށްވެސް އެއާއިލާއިން މައުލޫމާތުދެއެވެ.މިކަމާ ބެހޭގޮތުން ހެނބަދޫ ކަތީބު އަބްދުﷲ ސުލޭމާނު ވިދާޅުވީ ނަދީމާ މަރާލާނެ ކަމުގެ އިންޒާރު ދީފައިވާ ކަމަށް ކުރިން އާއިލާއިން ރަށު އޮފީހަށް އަންގާފައިނުވާ ކަމަށެވެ. ނަމަވެސް ނަދީމާގެ ކާފައަށް ހިނގުމަށް އުނދަގޫވާގޮތަށް މާ ކައިރިން އަހުމަދު އަބްދުއްސައްތާރު ބައިސިކަލް ދުއްވާތީ ކާފަ ރަށުއޮފީހަށް އައިސް އެވާހަކަ ދައްކާފައިވާ ކަމަށް ކަތީބު ވިދާޅުވިއެވެ."މަރުގެ އިންޒާރުދިން ކަމަކަށް ނުބުނޭ، އޭނަގެ ކާފަ މިތަނަށް އައި އޭނަޔާ މާ ކައިރިން ބައިސިކަލް ދުއްވާތީ އާ ގެޔަށް ވަންނަން އުޅޭއިރު ދަތިވާގޮތައް ބައިސިކަލް ދުއްވާތީ، އެކަމާ އަޅުގަނޑު މަސައްކަތް ކުރިން ފަހުން އޭނަ ބުނި މިހާރު ވަރަށް ދައްކަތޭ އެކަންތައް" އަބްދުﷲ ސުލޭމާނު ވިދާޅުވިއެވެ. ކަތީބު ވިދާޅުވީ ނަދީމާގެ ގާތިލް އަހުމަދު އަބްދުއްސައްތާރަކީ އޭނާގެ ދޮން ދަރިއެއް ކަމަށެވެ. އަދި ވަރަށް ގިނަ ގޮތްގޮތުން އަހުމަދު އަބްދުއް ސައްތާރަށް ނަސޭހަތްދީ އަދި އޭނާގެ އަހްލީގީ ފެންވަރުދަށްކަމުން އޭނާގެ އާއިލާގެ މީހުންނާވެސް ވާހަކަ ދައްކައި ނަސޭހަތްދީ ހަދާފައިވާނެ ކަމަށެވެ. ނަމަވެސް އަހުމަދު އަބްދުއްސައްތާރުގެ އަހްލާގީ ފެންވަރުދަށްކަމުން އޭނާގެ އާއިލާއިންވެސް އޭނާއާ ގުޅުން ކަނޑާލާފައިވާ ކަމަށް ކަތީބު ވިދާޅުވިއެވެ. މޯލްޑިވްސް ޕޮލިސް ސަރވިސްއިން ވިދާޅުވީ މިހާދިސާ ހިނގާފައިވަނީ ހިނބަދޫ މަގުމަތީގައި ކަމަށެވެ. ފުލުހުންގެ އޮފިޝަލަކު ވިދާޅުވީ ނަދީމާއަށް މަރުގެ އިންޒާރެއް ކުރިން ދީފައިވާ ކަމަށް ފުލުހުންނަށް އެނގިފައިނުވާ ކަމަށެވެ.

ކީރިތި ރަސޫލާގެ އީދު މީލާދީގެ ހެޔޮ އެދުންތައް އެންމެހާ މަނަދޫގެ ރައްޔިތުންނަށް އަރިސްކުރަން

މިއަދަކީ ކީރިތި ރަސޫލާ މުހައްމަދު ސައްލައްﷲ އަލައިހި ވަސައްލަމްގެ އީދު މީލާދީ ދުވަހެވެ. މިދުވަހުގެ އެންމެހާ ހެޔޮ އެދުންތައް މަނަދޫގެ ރައްޔިތުންނަށް މަނަދޫ އޮންލައިންގެ ފަރާތުން މި އަރިސްކުރަނީ މަނަދޫ ރައްޔިތުންނަށް މިއަދުގެ އެންމެހާ ސަވާބުތައް ހޯދުމަށް މަސައްކަތް ކުރުމަށް އެދޭހާލުއެވެ. އަދި މިއަދުގެ އެންމެހާ ތަހުނިޔާ މި އަރިސްކުރަނީ މަނަދޫގެ އަދި އިސްލާމީ މުޅި އުންމަތައް ބާއްޖަވެރިކަން އެދެމުންނެވެ.

ފިރިހެން ބެލެނިވެރިން.........،ކީއްކުރާ ބައެއް؟

ލިޔުނީ: އ.ސ

ފިރިހެނުންނަކީ އިސްލާމްދީނުގައިވެސް އަންހެނުންގެ މައްޗައްއިސްކުރައްވާ،އެބައިމީހުންނަށް ވަރަށްގިން މަސްޢޫލިއްޔަތުތަކެއް ހަވާލުކުރައްވާފައިވާ ބައެކެވެ.އާއިލާ ބެލެހެއްޓުމުގެ ޒިންމާ ފިރިހެންމީހާއާއި ހަވާލުކުރެވިފައި އޮންނަނީވެސް،ފިރިހެނުންނަކީ އަންހެނުންނަށްވުރެ ވިސްނުމުގެ ގޮތުންނާއި،ކަންކަމުގައި ރަގަޅުގޮތްނިންމުމުގައި އެންމެއެކަށީގެންވާ ފަރާތްކަމަށްވާތީއެވެ.
އަޅުގަނޑަށް ކުރީގައި ހީވެފައިއޮންނަނީ ބެލެނިވެރިޔާއަކީ މަންމަކަމުގައެވެ.އަޅުގަނޑަށް ނޫނަސް މަނަދޫގެ ވަރަށްގިނަ ރައްޔިތުންނަށްވެސް އަދި ކުދިންނަށްވެސް ޤަބޫލުކުރެވިފައި އޮންނަނީ ބެލެނިވެރިޔާއަކީ މަންމަކަމުގައެވެ.މިގޮތައް ޤަބޫލުކުރެވިފައި އޮންނަނީ ސަބަބެއްނެތިއެއްނޫނެވެ.އަޅުގަނޑު 10 އަހަރުވަންދެން މަދަރުސާގައި އުޅެފައި ނިކުންއިރު،ވަރައްމަދު ފަހަރަކުނޫނީ ބައްޕައެއް،ބޭބެއެއް ނުވަތަ އެފަދަ މަޤާމެއްގައިހުރި ފިރިހެނަކު ބެލެނިވެރިންގެ ބައްދަލުވުމަކުންނުފެނެއެވެ.ސްކޫލް ރަޖިސްޓްރީގައި ކުއްޖާގެ ބެލެނިވެރިޔަކަށް ޖަހާފައި އޮންނަނީ ބައްޕަގެ ނަމެވެ.އެކަމަކު ބެލެނިވެރިއެއްގެގޮތުން އަބަދުވެސް ސްކޫލަށް ހާސިރުވަނީ މަންމައެވެ.
ކުދިންގެ ކިޔެވުމައި އަޙްލާޤައް އައްނަމުންދާ ބަދަލުތަކާއި،ކުދިންނާމެދު ކަންތައްކުރެވޭގޮތާއި، ސްކޫލައްގެންނަން އުލޭބަދަލުތަކާއި މިފަދަ މުހިންމު ކަންކަމާމެދު މަސްވަރާކޮށް ގޮތެއްނިންމުމަށްޓަކާ ބާއްވާމުހިންމު ބައްދަލުވުންތަކަށް އަންހެން ބެލެނިވެރިން ހަސިރުވުމުގެ ނަތިޖާއަކަށްވާނީ އެންމެއެދެވޭ ހައްލެއްނުލިބި ބައްދަލުވުން ނިމުމެވެ.ބައްދަލުވުމުގައި އެކަކު އެކަށްޗެކޭވެސް ނުބުނާނެއެވެ.އެންމެންގެ ޚިޔާލުތައް އޮއްސާލާނީ ބައްދަލުވުން ނިމިގެންއަންނަ މަގުމަށްޗަށެވެ.މީގިނަ އަންހެންބެލެނިވެރިންގެ ކަންތައް ހުންނަގޮތެވެ.ދެންގެއްއް އައިސް ބައްދަލުވުން ނިމުނުގޮތް ކިޔައިދިނުމުން ދެންވާ ހީވަނީ ގޭގައި ހުޅުހިފާފާނެހެންނެވެ.ނިންމި ގޮތާއިމެދު ބައްޕަ ހިތްހަމަނުޖެހުނީއެވެ.އެހެންވީއިރު ބޭނުންވާގޮތައް ކަންތައްނިންމަން ބައްދަލުވުމައްނުގޮސް ރުއްމަގުގައި އަނގަތަޅަން އޮތީ ކީއްވެތޯއެވެ؟
ހަޤީޤަތުގައިވެސް މީމަނަދޫގެ ހާލަތު މިޔަދުހުރިގޮތެވެ.އެހެންނަމަވެސް ދަރިންނައް ކިޔަވައިދޭންއުޅޭ މަދުބައްޕަޔަކުފެނެއެވެ.އެފަދަ ބައްޕައިންނައް އައްސަރިބަހާއި ސާބަސް ރައްދުކުރަމެވެ.މީހަކު ކަންތައްކުރާގޮތާއި މެދު ހިތަހަމަނުޖެހިގެންނިކުމެ އެމީހަކާއި ދިމާއަށް އިސްތިއުފާއަށް ގޮވާއިރު،ފުރަތަމަ ތިމާގެ ބޮލުގައި އެޅިފައިވާ މަސްޢޫލިއްޔަތު އަދާކުރެވެމުންދޭތޯ ވިސްނާލާށެވެ.އެހެންނޫނީ މާދަމާ މައިންނާއި ދަރިންނުކުމެ " ބައްޕަ އިސްތިއުފާ " މިހެންގޮވަންފަށާފާނެއެވެ.އޭރުން މަންޒަރު މާރީއްޗެއްނުވާނެއެވެ.

Hotel "Bikiri" opened with a new management

Bikiri has been opened yesterday 4.00 pm after been closed for quiet some time. Bikiri is opened by the new management Hasan (Hareera dhaithage) and Abdulla Shafeeu (Gulzaaruge) with 2 chefs and 3 waiters.

For the opening ceremony they had 'Bodibaih with Kulhimas' for FREE "Sabeelillaahi ah emeehaka emeeheh" told MO by a customer.

Currently there are 3 restaurants in Manadhoo and a news restaurant (Foalhavahi Restaurent) is nearly finished and will be running soon. This shows that Manadhoo community is also getting aware of business around the world.

ި 18އަހަރުނުފުރޭ ކުޑަކުދިންލައްވާ އުޖޫރައަށް މަސައްކަތްނުކުރުއްވުމަށް ފެމެލީ އެންޑް ޗިލްޑްރަން ސާރވީސް ސެންޓަރުން އިލްތިމާސް ކުރައްވައިފި

މިދަންނަވާލަނީ މަނަދޫގައިހުންނަ ފެމެލީ އެންޑް ޗިލަޑްރަން ސާރވީސް ސެންޓަރުން 17 މާރޗް 2008 ގައި ނެރެފައިވާ އެސެންޓަރުގެ ނަންބަރު 02/2008/ޑީ-އެފް ސީ އެސް ސީ އިޢުލާންގައިވާ އިބާރާތްކޮޅެކެވެ.
"މިރަށުގައި މިފަހަކަށް އައިސް އުމުރުން 18 އަހަރުންދަށުގެ ކުދިންގެ ތެރެއިން ސްކޫލައްދާ އުމުރުގެ ކުދިންލައްވައި އުޖޫރައަށް މަސައްކަތްކުރުން ވަރަށްބޮޑައް އިތުރުވެފައިވާކަން މިސެންޓަރަށްވަނީ ފާހަގަކުރެވިފައެވެ.އަދި މިކަމުގެ އަސަރު ނޭދެވޭ އަސަރު އެފަދަކުދިންގެ ތަޢުލީމާއި ތަރުބިއްޔަތަށް ކުރަމުންއަންނަކަން ވަރަށްބޮޑައް ފާހަގަކުރެވެއެވެ.އަދި މިކަމަކީ ރާއްޖޭގެ ކުޑަކުދިންގެ ހައްޤުތައް ރައްކާތެރިކުރުމާއި ބެހޭ ޤާނޫނުގައިވެސް މަނާކުރެވިފައިވާ ކަމެއްކަން މިފުރުޞަތުގައި ހަނދާންކޮށްދެމެވެ.
ވީމާ ސްކޫލަށްދާ އުމުރުގެ ކުދިންލައްވާ މިރަށުގައި އިޖޫރައަށް މަސައްކަތްކުރުވާ ފަރާތްތަކުގެ ކިބައިން އެކަން އެގޮތައް ނުކުރުމަށް ތަކުރާރުކޮށް އިލްތިމާސް ކުރަމެވެ.އަދި މިކަން ހުއްޓުވުމަށްޓަކާ އެފަދަކުދިންގެ ބެލެނިވެރިން ހާއްސަ ސަމަލުކަމެއް ދީގެން މަސައްކަތް ކޮށްދެއްވުމަށް އެދޭވާހަކަ މިފިރިޞަތުގައި ދަންނަވަމެވެ."

މަނަދޫގެ ދުލުން

ލިޔުނީ: -އސ- (cyber.cop@live.com)

އަހަރެންނަށް ލިބިފާ މިތިބީ ކޮންފަދަ ކަންނެތް ދަރިންތަކެއްހެއްޔެވެ؟ މުރާލި އަދި ކަމެއް ކޮށްދެވޭ ވަރުގެ ދަރިންތަކެއް ލިބުނީތީވެ އެކުދިންވެސް އަހަރެން ދޫކޮށްލައިފާ ދުރަށް ގޮސްފިއެވެ. އަހަރެންގެ ވަށައިގެންވާ އަވަށްޓެރިންނާއި އެހެންވެސް ރަށްރަށަށް އެތަންތަނުގެ ދަރިން ކޮށްދެމުން އަންނަ ހިދުމަތްތައް ބަލަން އަހަރެން މިއޮންނަނީ ފެންކަޅިވެފައެވެ. އެކަމަކު އަހަރެންގެވެސް 1600 އަށްވުރެ ގިނަ ދަރިން އެބަތިއްބެވެ. އަހަރެންނަށްޓަކައި ކޮށްދޭ އެއްކަމެއްވެސް ނެތެވެ.
އަހަރެންގެ މަގަތުގައި އޮތް މިލަދޫ ފަޅުގައި ބޮޑުހިލަ ޖަހާތަން ދެކެފީމެވެ. ކުރިމަތީއޮތް ކެނދިކުޅުދޫގައި އޭ ލެވެލް ކިޔަވައިދޭން ފެށި ހަބަރު އަޑުއަހައިފީމެވެ. މޭނާ ސްކޫލްގައި މިއަހަރު އޭ ލެވެލް އަށް ކިޔަވާދޭން ފަށާ ވާހަކަވެސް އެބަ އިވެއެވެ. ސްޓޭޑިއަމް ކެނދިކުޅުދޫއަށް ގެންދިޔައީ އަހަރެން އެކަމަށް ރޮއިރޮއި އޮށްވައެވެ. އަތޮޅު ތައުލީމީ މަރުކަޒު ވެލިދޫގައި އެޅީ އަހަރެން އެކަމަށް ސަރުތު ހަމަނުވާތީތޯއެވެ؟ އަހަރެން ބުމުގެ ގޮތުން ކުޑައީބާވައެވެ؟ ދުވަހުން ދުވަހަށް ބަދަލުވަނީ އަހަރެންގެ ދަރިންނެވެ. އަހަރެން ޒީނަތްތެރިކޮށް އަހަރެންނަށް ރީތިނަމެއް ހޯދައިދެވޭތޯ ބަލަނީ ކޮންދަރިއެއްތޯ؟
މި ހިތާމައިގައި އަހަރެން ކެތްކުރާތާ ލައްކަ ދުވަސް ވެއްޖެއެވެ. އެހެން މީހުން އެމީހުންގެ ރަށާއި ޤައުމުދެކެ ލޯބިވެއެވެ. ފަހުރުވެރިވެއެވެ. އެކަމަކު އަހަރެންނަށް މިއޮތީ ދިމާ އިދިކޮޅެވެ. " ޤައުމު ތިމާއަށް ކޮށްދެވޭނީ ކޮންކަމެއްތޯ ނާހާށެވެ. ތިމާ ޤައުމަށް ކޮށްދެވޭނީ ކޮންކަމެއްތޯ އަހާށެވެ" . އެކަމަކު އަހަރެންގެ ދަރިން އަބަދުވެސް ސަކުވާ ކުރަނީ އަހަރެން ކަންތައްތައް ނުކޮށްދީގެންނެވެ. ދުވަހަކުވެސް އެއިން ދަރިޔަކު އަހަރެންނަށްޓަކައި ކޮށްދޭންވީ ކޮންކަމެއްތޯ ނާހާނެއެވެ. އަހަރެންގެ ދަރިން އަހަރެންނާ އަޅާލައި ހިދުމަތްކޮށްދޭނީ ކޮންދުވަހަކުންބާވައެވެ؟ މާތް ރަސްކަލާނގެ އެފަދަ ދުވަހެއް އަވަސް މުސްތަޤުބަލެއްގައި ދައްކަވާށިއެވެ. އާމީން.

ކަޅެއްކަމަކު އަގުބޮޑު ޖަވާހިރެއް!

ނިމިގެންދިޔަ 2008 ވަނައަހަރުގެ ނ.އަތޮޅު ފުޓްބޯޅަމުބާރާތުން އެންމެފާހަގަކޮށްލެވުނު ހުނަރުވެރި އެއްކުޅުންތެރިޔަކީ ލަންދޫ ޒުވާނުންގެ ގުޅުމުގެ ޖާޒީނަންބަރު 11،މަނަދޫގެ ޒުވާން އުއްމީދީ ފޯރވާޑް އިބްރާޙިމް ނައުފަލް ( އަންކާ ) އެވެ.އަތޮޅުފެންވަރުގައި އަންކާ ފާހަގަކޮށްލެވިގެންދިޔައީ ސަބަބުތަކެއްނެތިއެއްނޫނެވެ.ލަންދޫ ޒުވާނުންގެ ގުޅުން އަތޮޅުމުބާރާތްގެ ފައިނަލްއަށް ގެންގޮސްދިނުމުގައި އެންމެ އިސްރޯލެއްއަދާކުރި އެކަކީ އިބްރާޙިމް ނައުފަލް (އަންކާ)އެވެ.އަދި މުޅިމުބާރާތްގެ އެންމެ ގިނަ ގޯލްޖެހިކުޅުންތެރިޔާގެ މަޤާމްހޯދީވެސް އަންކާއެވެ.އަންކާގެ ވާޖިބް އޭގެ އެންމެ ފުރިހަމގޮތުގައި އަދާކުރިއެވެ.ލަންދޫ ޒުވާނުންގެ ގުޅުމުން އުންމީދުވެސް ކޮށްފައިނުވާ ފައިނަލައްވެސް ލަންދޫގެންގޮސްދިނުމުގައި އެންމެ އިސްރޯލެއްއަދާކުރީ ހަމަ އަންކާއެވެ.މިކަން ތައްތައް ލަންދޫގެ އެންމެހާ ރައްޔިތުން ވަރަށް ރަގަޅައްބަލައިގަނައެވެ.ލަންދޫ ޒުވާނުންގެ ގުޅުމުން ބުނަނީ " ކަޅެއްކަމަކު ލިބިފައިހުރި އަގުބޮޑު ޖަވާހިރެއް"ކަމަށެވެ.އަޅުގަނޑުމެންއެދެނީ މިރޮގުގައި އަދަށްވުރެ ފެހި މާދަމާއެއް މާތްﷲ އިބްރާޙިމް ނައިފަލްއައް މިންވަރުކޮށްދެއްވުމެވެ.

ނ.ހޮޅުދޫގައިކުޅުނު މިއަހަރުގެ އަތޮޅުފުޓްބޯޅަމުބާރާތްގައި ބައިވެރިވި ލަންދޫފުޓްބޯޅަ ޓީމްގެ ސަޕޯޓަރެއްގެ ގަލަމުން
އަބޫބަކުރު އާދަމް ބިޖިލީގެ ނ.މަނަދޫ

މަޤުބޫލު ކުޅުމެއް ލަންދުއަށް ކުޅެދިންކުޅުންތެރިއެއްތިއީ
އިޤްރާރުވަން ފުޓްބޯޅައަށް ގަދަމޮޅު ކުޅުންތެރިއެއް ތިއީ ..................................
ނަލަރީތިކުޅުމެއް ދެއްކުމަށް ކުރިހިތްވަރަށް ތައުރީފުކޮށް
އަހަރެންމިއަދު އެހަނދާނުގައި ހަދިޔާކުރާ ޅެމެކޭ މިއީ ..................................
ދޫކޮށްނުލާ އަޒުމާއެކީ ކުރިކަން މަސައްކަތްފަށްފަށުން
ނޫނޭ! މަވެސްއެއްބަސްވަމޭ ލަންދޫ ސަޕޯޓަރެކޭ މިއީ ..................................
އަންގައިދެމުން ދައްކައިދެމުން ގެންދިޔަ ހުނަރުވެރިކުޅުމުގައި
ހަރަކާތްތެރިވި މަންޒަރު ފޮޓޯ ނެގިމީހެކޭ އަހަރެންމިއީ ..................................
ކާފަގެގުޅުންއޮތް ލަންދުއާ މެދުގައިބެހެއްޓި ސަމާލުކަން
ތާރީޚްވެސްހެކި ދޭނެޔޭ ފުރިހަމަ ހަޤީޤަތެކޭ މިއީ ..................................

ނ. ހެނބަދޫގައި ވަޅި ހަރައި އަންހެން ކުއްޖަކު މަރާލި ޤާތިލް މާލެ ގެންދިއުމަށްޓަކައި ތަހްޤީގް ޓީމް މަނަދޫއަށް އަތުވެއްޖެ

މިދިޔަ ހަޕްތާގައި މިއަތޮޅު ހެނބަދޫގައި ވަޅި ހަރައި އަންހެން ކުއްޖަކު މަރާލި ޤާތިލް މާލެ ގެންދިއުމަށްޓަކައި ތަހްޤީގް ޓީމް މިއަދު 11.14 ގައި މަނަދޫއަށް އަތުވެއްޖެއެވެ.ކުޅުދުއްފުށިން ފުރައިގެންއައި މިޓީމްގައި މޯލްޑިވްސް ޕޮލިސްގެ 4 ބޭފުޅުން ހިމެނި ވަޑައިގަންނަވައެވެ.

ވިސްނާލައްވާ!

-އސ- (cyber.cop@live.com) ލިއުނީ:

މުސްކުޅިން ބުނާތީ އަޑުއަހަމެވެ. އަހިވަކަކާޖެހި އަހިވަކެއްފާވާނެއެވެ. މިއަދު މިއޮތީ މިހެންވެފައެވެ. މަނަދޫގެ ގިނައަދަދެއްގެ ކުދިންގެ އަހުލާޤްމިވަނީ ހައްދުންނައްޓާފައެވެ. ސިގިރޭޓްބުއިމާއި، މަސްތުވާތަކެތި ބޭނުންކުރުމާއި، ވައްކަންކުރުމާއި ބަދުއަހުލާޤީ އަމަލު ހިންގުން މިއަދު މިވަނީ ގިނަކުދިންގެ "ހޮބީ"އަކަށް ވެއްފައެވެ. ތުނބުގައި ސިގިރޭޓްޖަހައިލައިފާ ނިކުންނަ އިރު ކުއްޖާވެސް ވަނީ ސިގިރޭޓެއްވަރެވެ.

އާއެކެވެ، ކުޑަ ސޯބު އެބުރޭނީ ބޮޑު ސޯބުއެބުރޭ ގޮތަށެވެ. އެކުދިން އުޚެމުން އެދަނީ އެކުދިންގެ ބޮޑަށް ތިބިމީހުން އުޅޭ ގޮތަށެވެ. މިއަދު ބޮޑަތި މީހުންނަށް އިޙްތިރާމުކުރުމެއް، ވެރިންނަށް ކިޔަމަންތެރިވުމެއް އަދި މައިންބަފައިންގެ ބަސްއެހުމެއް މަނަދޫގެ މުޖްތަމަޢުއަކުނުތެވެ. ކިޔަވާ ކުދިންނަށް ހުޅުވާލެވިފައިވަނީ "ފްރީ ވާލްޑް" އެކެވެ. ބަންޑާރަ ހަސަނަށް މޫދު ހިތަކަށް ލިބުނު ގޮތައް އެކުދިންނަށް މިއަދުމިވަނީ "މިނިވަންކަން" ހިތަކަށް ލިބިފައިއެވެ. ކޮން ޤާނޫނެއްގެ ކިތައްވަނަ މާއްދާގެ ދަށުންކަމެއްވެސް ނޭންގެއެވެ. ޒުވާނުން ބައިވެރިވާ ސްޓޭޖް ޝޯވ ފަދަ ހަރަކާތްތަކުގައި ސުކޫލްކުދިން ބައިވެރިވުމަކީ އެޑިއުކޭޝަން މިނިސްޓްރީން ނެރެފައިވާ ސްކޫލްކުދިންގެ ޤަވާއިދުގައި ވަރަށް ބޮޑަށް މަނާކޮށްފައިވާ ކަމެކެވެ. އެހެންނަމަވެސް މަނަދޫގައި ދާދިފަހުންވެސް ދިން ބައެއް ޝޯވތަކުގައި ސްކޫލްކުދިން ބައިވެރިވެފައިވާކަމީ ވަރަށް ހިތާމަކުރަންޖެހޭކަމެކެވެ. މިކަމަކީ މަނާކަމެއްކަން ޝޯވ އިންތިޒާމްކުރާ ފަރާތްތަކަށް ނޭންގެނީ ބާވައެވެ. މިކަހަލަ މިކަހަލަ ކަންތައްތައް ފެންނަންޏާ މިފަދަ ވާހަކަދެއްކޭނެއެވެ. މިފަދަ ކަންކަމުގެ ސަބަބުން ކުދިން އިތުރަށް ވިޔާނުދާވުން ނޫން ކަމެއްނުވާނެއެވެ. ބެލެނިވެރިންވެސް ތަންކޮޅެއްބޮޑަށް ހޭއަރަންވެއްޖެއެވެ. އެހެންނޫންނަމަ ކޮށި ދަނޑު ގެއްލި، ކަނތިވަޅި ގެއްލި، މަރިޔަބުވެސް ގެއްލިދަނެއެވެ.

އަވަސް ހަބަރު: ކުޑަފުނަފަރުގައި ރޭ މާރާމާރީ ހިންގައިފި

ނ. އަތޮޅުގައި ތަރައްޤީ ކުރަމުންދާ ރިސޯޓެއްކަމުގައިވާ ކުޑަފުނަފަރުގައި ރޭގެ ވަގުތެއްގައި އެތަނުގައި މަސައްކަތް ކުރަމުންދާ ބިދޭސީ ބައެއްގެ ދެމެދުގައި ހިނގި ހަމަނުޖެހުމެއްގައި މާރާމާރީ ހިންގާ ދެ ބިދޭސީއަކަށް އެކިވަރުގެ އަނިޔާތައް ދީފިއެވެ.

އަނިޔާ ލިބުނު ދެމީހުން މިއަދު 9.00ގައި ވަނީ މަނަދޫއަށް ގެނެސްފައެވެ. އަދި މާރާމާރީ ހިންގުމަށްފަހު ފިލައިގެން ޑިންގީއެއްގައި ޅޮހީއަށް ދިޔަ ދެމީހުންވެސް މިއަދު 10.30 ގައި ވަނީ މަނަދޫއަށް ގެނެސް މަނަދޫ ޕޮލިސް ސްޓޭސަންގެ ބެލުމުގެ ދަށުގައެވެ. މިމާރާމާރީ ހިންގާފައިވާކަމަށް ބެލެވެނީ 4 ބިދޭސީއަކުވެގެން 2 ބިދޭސީއަކަށެވެ. މިމައްސަލަ މިހާރުދަނީ މަނަދޫ ޕޮލިސް ސްޓޭސަން އިން ތަހްޤީޤް ކުރަމުންނެވެ.

މަނަދޫ ކަތީބް އަލްފާޟިލް ސައީދު ޤާސިމް އަމިއްލަދަތުރުފުޅެއްގައި މާލެވަޑައިގެންފި

އަށްމަސްދުވަސްވަންދެން މާލޭގައި އިގިރޭސިދަސްކުރައްވަން އުޅުއްވުމަށްފަހު އެބުރި ރަށަށް ވަޑައިގެން ކުޑަދުވަސްކޮޅެއްވުމަށް ފަހު މިޔަދުހެނދުނުގެ ވަގުތެއްގައި،މަނަދޫ ކަތީބް އަލްފާޟިލް ސައީދު ޤާސިމް އަމިއްލަބޭނުންފުޅަކު މާލެވޑައިގަންނަވަން ފުރާވަޑައިގެންފިއެވެ.ސައީދު މާލެވަޑައިގަތުމުން އޮފީސްހިންގުމާއި ހަވާލުވެލައްވާފައިވަނީ ކަތީބް އަލްފާޟިލް ހަސަން އިބްރާޙިމް އެވެ.

ފުޓްސަލް ޓީމްގެ މެނޭޖަރުކަން ދޮނާއަށް

މިމަހު 26 ވަނަ ދުވަހު މެލޭޝިޔާގައި އޮންނަ އޭޝިއަން ފުޓްސަލް ޗެމްޕިއަންޝިޕް ކޮލިފައިންގައި ވާދަކުރާ ރާއްޖޭގެ ޤައުމީ ޓީމްގެ މެނޭޖަރަކަށް، ކުރިން ވެލެންސިއާގެ މެނޭޖަރުކަން ކޮށްފައިވާ އަހުމަދު މުހައްމަދު (ދޮނާ) ހަމަޖައްސައިފިއެވެ.

... އިތުރު މައުލޫމާތު